Rosa Luxemburg

Rosa Luxemburg (* 5 Adar 1871i be namey Rozalia Luxemburg, Zamość, Weichselland, ewro Polanya; † 15 Çele 1919 Berlin) de jûya namdara lewiyayışê Karkeranê Ewropawa u Proleteranê Enternasyonalistana. Tewr zêde Polanya u Almanya de lewiyayışê sosyaldemokrasiye de ca gırewt u teorisyena marksizmiya, verbe militarizmi veciyê. 1914. de Herbê Dınyayê Yewine verba Partiya Sosyaldemokratanê Almanya be namey „Gruppe Internationale“ ra veciyê u be Karl Liebknechti ra piya gurêye. Nuştoğanê politikan miyan de ki caê xo gırano. Xeylê analizê sosyali gırewtê qeleme. Heta 1918. Leipziger Volkszeitung u o ra dıme ki hepıs de ki qezatay Die Rote Fahne (Desmala Sure) vete. Serranê 1918-19. de ronayoğanê Partiya Komunistanê Almanya (Kommunistische Partei Deutschlands [KPD]) ra jûye biye u programê partiye ki nusna. Destanê faşistan ra be Karl Liebknechti ra pia kışiyay.